नेप्सेलाई ११७५ को बलियो टेवा, आधारभूत पक्ष अझै कमजोर

नेप्सेलाई ११७५ को बलियो टेवा, आधारभूत पक्ष अझै कमजोर

नेप्सेलाई ११७५ को बलियो टेवा, आधारभूत पक्ष अझै कमजोर

सेयर बजार परिसूचक ऐतिहासिक महत्त्वको बिन्दु नजिकमा आएको छ । नेप्से दोस्रो चक्रको क्रममा १५ भदौ ०६५ मा कायम गरेको सर्वाधिक उच्च बिन्दु ११७५ नजिक आइपुगेको हो । कारोबारको अन्तिम दिन बिहीबार नेप्से ११९८ बिन्दुमा ओर्लिएर बजार बन्द भएको छ ।

अघिल्लो उच्च बिन्दुले घट्दै गरेको बजारमा टेवाका रुपमा काम गर्ने प्राविधिक विश्लेषणको मान्यता छ  । यसअघि पनि नेप्सेले पटक–पटक यसै बिन्दु आसपास टेवा पाउँदै आएको छ । गत १९ चैतमा नेप्से यही बिन्दु आसपास टेवा पाएर १४३८ सम्म पुगेको थियो । त्यसपछि भने बजार पुन: ओरालो गतिमा लागेको हो ।

“हुन त, पछिल्लो समय शून्य बिन्दुलाई नेपाली लगानीकर्ताले मनोवैज्ञानिक तहको रूपमा हेर्दै आएका छन् । तर, पुरानो उच्च बिन्दुको भने विशेष महत्त्व रहन्छ,” सेयर विश्लेषक प्रकाश तिवारी भन्छन्  । शून्य बिन्दु मनोवैज्ञानिक तह मान्न थालिएको नेपाली बजारमा नेप्से परिसूचकले १२ सय बिन्दु आसपासबाटै उकालो लाग्ने सम्भावना देखाएको छ ।

बजारमा आधारभूत पक्ष भने बलियो बन्न सकेको छैन । विशेषत: आर्थिक वर्ष समाप्तिसँगै बैंक तथा वित्तीय संस्थाले लगानीकर्तालाई सेयर धितो कर्जाको किस्ता तथा ब्याज तिर्न ताकेता गरिरहेका छन् । मार्जिन कल भनिने यस्तो ताकेताले लगानीकर्तालाई घट्दो बजारमा थप दबाब दिएको छ । यद्यपि लगानीकर्ताहरु ‘पर्ख र हेर’ कै अवस्थामा छन् । यस साता बजारमा ७.२५ प्रतिशतले कारोबार रकम घटेको छ । १ सय ८६ कम्पनीको सेयर किनबेच भएको बजारमा साताभर १अर्ब चार करोड रुपियाँको सेयर कारोबार भएको छ ।

बैंक तथा वित्तीय संस्थाको बाहुल्य रहेको बजारमा चुक्ता पुँजी वृद्धिपछि पनि बैंकहरुको नाफाको वृद्धिदर उच्च छैन । चालू आर्थिक वर्षको अन्त्यमा पनि बैंकहरुको प्रतिफल गत वर्षसरह नै देखिने विश्लेषकको अनुमान छ । बैंक तथा वित्तीय संस्थामा कर्जायोग्य पुँजी अभावको समस्या अझै हटेको छैन । बजारभन्दा बाहिर नै ब्याजलगायतबाट लगानीकर्ताले ११/१२ प्रतिशतको हाराहारी प्रतिफल पाइरहेका छन् । यसले पनि बजारमा दबाब बढेको छ । तर, बजार अहिलेको बिन्दुबाट केही समय बढ्न सक्ने सम्भावना भने देखिएका छन् ।

 

अधिक बिक्री सीमामाथि आरएसआई सूचक

सेयर बजार परिसूचकको आरएसआई सूचकले बजार अधिक बिक्री क्षेत्रबाट माथि आउन लागेको संकेत गरिरहेको छ । मंगलबार १६.४ बिन्दुमा रहेको नेप्सेको आरएसआई सूचक बढेर बिहीबार ३० मा आएको छ । बजारमा सेयर किनबेचको चाप सन्तुलित भएको यसले देखाउँछ । यो सूचक ३० मुनि रहे अधिक बिक्री अर्थात् ओभरसोल्ड जोन र ७० माथि भए अधिक खरिद अर्थात् ओभर बट जोनमा रहेको संकेत गर्छ ।

एक महिनामा १४ सयको लक्ष्य

एक महिनाको उच्च, न्यून र अन्तिम बिन्दुका आधारमा गरिने पीभट विश्लेषणले नेप्सेले ११५४ मा पहिलो टेवा पाउने संकेत गर्छ । यो टेवा सफल नभए ११ सय ११ र ९ सय ३९ मा क्रमश: टेवा पाउने देखिएको छ । त्यस्तै, बजार पहिलो टेवा पाएर बढ्न थाले १४ सय ९ मा पुग्नेछ ।

नेप्सेको ७ दिने र २१ दिने मुभिङ एभरेज रेखा भने अझै एकआपसबाट टाढा छ । यी रेखा नजिक आएर २१ दिनेलाई ७ दिने रेखाले पार गरे बजार केही समय बढ्ने विश्लेषण गरिन्छ ।

मेगाको कारोबार उच्च 

मेगा बैंकले प्रस्ताव गरेको १०.७५ प्रतिशत बोनस सेयर हात पार्ने अन्तिम दिन बिहीबार परेकाले (बुक क्लोज) सातागत कारोबारमा बैंक अग्रस्थानमा रह्यो । बैंकको एक सातामा सबैभन्दा धेरै २ लाख ३६ हजार कित्ता सेयर किनबेच भएर ४ करोड १५ लाखको सेयर कारोबार भयो । सातामा नेपाल इन्भेस्टमेन्ट, स्ट्यान्डर्ड चार्टर्डलगायतका बैंक पनि कारोबार रकमका आधारमा अग्रिम स्थानमा रहे ।

यस साता बजारमा ४० लाख ६७ हजार नयाँ सेयर थपिएको छ । नेपाल ल्युब आयलको बोनस सेयर र निर्धन उत्थान लघुवित्त विकास बैंकको हकप्रद सेयर बजारमा सूचीकरण भएको हो । सातामा बिमा, लघुवित्त, जलविद्युत्, होटललगायतका समूहको परिसूचक उच्च अंकले घटेको छ

Source:ekantipur

Please follow and like us:

admin

leave a comment

Create Account



Log In Your Account